यात्रु ठग्ने तीन माइक्रो र चालक पक्राउ

Share on Your Social Media
  •  
  •  
  •  
  •  
  •  
  •  

खोजखबर
गोरखा ः यात्रुलाई ठग्ने तीन वटा माइक्रोबस र चालक प्रहरी नियन्त्रणमा परेका छन् । निषेधाज्ञाको उलंघन गरी काठमाडौंबाट यात्रु लिएर गोरखा आउँदै गरेको बा ५ ख १०७७, गोरखाबाट यात्रु लिएर काठमाडौं जाँदै गरेको बा ५ ख १०७३ र गोरखाबाट नारायणगढ जाँदै गरेका ग १ ख ९६२२ को माईक्रोबसलाई नियन्त्रणमा लिएको ट्राफिक प्रहरी प्रमुख मित्रलाल ढकालले जानकारी दिए ।

गोरखाबाट काठमाडौंसम्मको नियमित माइक्रोबस भाडा ४५० रुपैयाँ छ । तर, ती माईक्रोबसहरुले प्रतिव्यक्ति एक हजार रुपैँयासम्म लिने गरेको प्रहरीले जनाएको छ । ‘एक हजार दिए लैजान्छु नत्र लैजान्न भन्यो,’ एक यात्रुले भने, ‘आफूलाई नआई नहुने थियो एक हजार तिरेर आइयो ।’

निषेधाज्ञा केही खुकुलो पारिएपछि जिल्ला भित्र मात्र यातायात सञ्चालन गर्न दिइएको थियो । तर काठमाण्डौ र चितवनबाट महंगो भाडा लिएर यात्रु ओसारेको गुनासो आएको थियो । शनिवार ट्राफिक प्रहरीले चेकजाँच गरी ती माइक्रोबसलाई चालक सहित नियन्त्रणमा लिएको हो । उनीहरु माथि थप अनुसन्धान भइरहेको प्रहरीले जनाएको छ ।

असार २९ गतेसम्म जारी निषेधाज्ञामा स्वास्थ्य र सावधानीको मापदण्ड अपनाएर जिल्ला भित्र सवारी सञ्चालन गर्न दिने निणय भएको थियो । सोही मौकामा प्रहरीको आँखा छलेर कपितय बस तथा माइक्रोवस काठमाण्डौं चितवन पोखरा पुग्ने गरेका छन् । सरकारले अहिलेसम्म लामो दुरीका सवारी साधन सञ्चालनको अनुमति दिइसकेको छैन । तर ठूला सहरको सिमाना सम्म पुगेर बसहरुले यात्रु ओसारेका छन् । महंगो भाडा लिएको गुनासो बढेपछि मात्र प्रहरीले चासो देखाएको हो । गाडी परिवर्तन गर्दै महंगोमा हिड्न बाध्य भएकाले लामो दुरीको यातायात सञ्चालनमा ल्याउनु पर्ने आवाज उठ्न थालेको छ । सार्वजानिक यातायात सञ्चालन नहुँदा निजि व्यवसायीको धन्दा पनि मौलाएको छ । जसका कारण जरुरी कामले हिड्नेहरु मंहगो शुल्क तिर्न बाध्य छन् ।

You May Also Like

Leave a Reply

Your email address will not be published. Required fields are marked *